Fomentar a investigación, a innovación e o desenvolvemento musical no eido da percusión, explorando a fusión de ritmos universais coa nosa identidade sociocultural e local.

Elevar a percusión de rúa á categoría de expresión artística de alto impacto, promovendo a creatividade libre e o desenvolvemento de repertorios musicais propios e orixinais.

Promover a cohesión social, a convivencia e a interculturalidade a través da música de base e o ritmo colectivo.

Combater o individualismo e a atomización social mediante a creación de espazos de comunidade aberta, fomentando vínculos humanos presenciais e o tecido social local.

Democratizar o acceso á cultura musical, rexeitando calquera tipo de exclusividade ou xerarquía, e permitindo que calquera persoa poida achegarse á percusión.

Defender a tradición da batucada e a percusión como ferramentas de expresión sociocultural, enerxía colectiva e resistencia comunitaria.

Garantir a evolución da asociación como un ente sociocultural vivo, entendendo a batucada como un punto de partida orgánico, pero mantendo a apertura total para explorar, apoiar e abrazar calquera manifestación artística, audiovisual, histórica ou creativa que xurda do talento e das inquedanzas da comunidade activa.